Адзіны ўрок, прысвечаны памяці ахвяр Хатынскай трагедыі, прайшоў у 5-8 класах Міжэвіцкай сярэдняй школы 19 сакавіка. «Аб чым звоняць званы Хатыні?» — назва мерапрыемства, якая падкрэслівае сімвалізм мемарыяльнага комплексу. Урок накіраваны на паглыбленне ведаў вучняў аб гістарычным мінулым беларускага народа, трагічных падзеях у Хатыні і фактах генацыду ў гады Вялікай Айчыннай вайны. Навучэнцы ў чарговы раз упэўніліся, што Хатынь — гэта не проста трагедыя адной вёскі, а сімвал генацыду беларускага народа. Веданне гэтых фактаў неабходна, каб не дапусціць паўтарэння жахаў нацызму ў будучыні. Праз асэнсаванне жорсткасці вайны вучні прыйшлі да разумення, што мірнае неба — гэта найвышэйшы здабытак, які трэба берагчы і абараняць.
